საინფორმაციო კამპანია დევნილთა დასახლებებში

ზუგდიდში მოხალისეებმა დევნილთა საარსებო წყაროებით უზრუნველყოფის სააგენტოს პროექტის "ZRDA" ფარგლებში, კარდაკარის პრინციპით, სახელმწიფო პროგრამების შესახებ ინფორმაციის გავრცელება დაიწყეს. კამპანიაში, რომელიც 2 კვირას გაგრძელდება, სამეგრელოს რეგიონის მასშტაბით 90 ახალგაზრდა მოხალისეა ჩართული. მათ შორის, არიან სპორტისა და ახალგაზრდობის სამინისტროს პროგრამის "საქართველოს მოხალისეების წარმომადგენლობის" წევრები. დევნილების თქმით, მათ თითქმის არ ჰქონდათ ინფორმაცია იმ პროგრამების შესახებ, რომლებსაც სხვადასხვა სამინისტროები იძულებით გადაადგილებული პირებისთვის ახორციელებენ. ისინი თვლიან, რომ მსგავსი კამპანიები ხშირად უნდა ჩატარდეს, რადგან მათ უფლება აქვთ ფლობდნენ სრულ ინფორმაციას სახელმწიფო პროგრამების შესახებ. ამერიკის შეერთებული შტატების საერთაშორისო განვითარების სააგენტოს მიერ დაფინანსებული პროექტი "ZRDA" არის ხუთწლიანი პროგრამა, რომელიც მიზნად ისახავს მდგრადი ეკონომიკური განვითარების ხელშეწყობას საქართველოს ხუთი რეგიონის 70 თემში. მათ შორის სამეგრელოს რეგიონში. რადიო "ათინათი" Website: http://radioatinati.ge/ Facebook:   / rado.atinati.  . Google+: https://plus.google.com/u/0/116211701... Twitter: https://twitter.com/