ფრანკფურტის წიგნის ბაზრობა

საქართველოს კულტურისა და ძეგლთა დაცვის მინისტრი ნიკოლოზ რურუა ოფიციალური ვიზიტით ფრანკფურტში იმყოფება. საქართველოს კულტურისა და ძეგლთა დაცვის სამინისტროს მხარდაჭერით და საქართველოს წიგნის გამომცემელთა და გამავრცელებელთა ასოციაციიის ორგანიზებით წელსაც, ისევე როგორც წინა წლებში საქართველო ეროვნული სტენდით და ორი პრეზენტაციით წარსდგება ფრანკფურტის წიგნის საერთაშორისო ბაზრობაზე. საქართველოს მონაწილეობას აღნიშნულ ბაზრობაზე ქართული წიგნისა და ლიტერატურის განვითარების და ზოგადად ქართული კულტურის პოპულარიზაციის საქმეში დიდი მნიშვნელობა ენიჭება. წელს დაგეგმილია ორი პრეზენტაცია: 1. ფორუმ დიალოგის ფორმატის ფარგლებში ქართველი ქალი ავტორების (ანა კორძაია-სამადაშვილი, ნენე კვინიკაძე, ნინო ხარატიშვილი) ნაწარმოებების კითხვა გერმანულ ენაზე 2. საქართველოს ეროვნულ სტენდთან უცხოელი გამომცემლებითვის და ლიტერატურული აგენტებისთვის „ქართული ლიტერატურის ხელშეწყობის პროგრამის პრეზენტაცია". ამასთანავე, დაგეგმილია რიგი შეხვედრები წამყვანი გერმანული და ბრიტანული გამომცემლობების წარმომადგენლებთან. http://www.mcs.gov.ge   / culturegovge   http://twitter.com/#!/CULTUREgovge    / culturegovge   http://www.flickr.com/photos/cultureg... http://www.myvideo.ge/?user_id=855045