კანონი „უცხოური გავლენის გამჭირვალობის“ შესახებ

შეიცვლება თუ არა უცხოური გავლენის გამჭვირვალობის კანონი - ახლა ყველაფერი ვენეციის კომისიის დასკვნაზეა დამოკიდებული. დოკუმენტი დიდი ალბათობით დღეს უნდა გამოქვეყნდეს. მისი გასაჯაროების შემდეგ გახდება ცნობილი, რა სამართლებრივი შენიშვნები აქვს ევროპის საბჭოს საკონსულტაციო ორგანოს კანონთან, რომელსაც ინიცირებისთანავე ქვეყანაში მასშტაბური პროტესტი მოჰყვა. რჩება თუ არა სივრცე დისკუსიისთვის და კანონის კორექტირებისთვის - პრეზიდენტის ვეტოს დაძლევას მმართველი გუნდი მომავალ კვირას გეგმავს. იმის გამო, რომ სალომე ზურაბიშვილმა ვეტო მოტივირებული შენიშვნების გარეშე წარადგინა, ვეტოს დაძლევის პროცედურის ფარგლებში კანონის შეცვლის პერსპექტივა გამოირიცხა. რჩება ვენეციის კომისიის დასკვნა - კომისიის რეკომენდაციების გათვალისწინება მმართველ გუნდს ვეტოდაძლეულ და ამოქმედებულ კანონშიც შეუძლია. რეზონანსული კანონი ვენეციის კომისიაში დაჩქარებული წესით შესაფასებლად 16 აპრილს გაგზავნეს.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.