კანონი „უცხოური გავლენის გამჭვირვალობის შესახებ“ პრეზიდენტს ხელმოსაწერად კიდევ ერთხელ გაეგზავნება

„უცხოური გავლენის გამჭვირვალობის შესახებ“ კანონი პრეზიდენტს ხელმოსაწერად კიდევ ერთხელ გაეგზავნება. ესაა ბოლო ნაბიჯი მის ამოქმედებამდე. თუ სალომე ზურაბიშვილი დოკუმენტს ხუთი დღის ვადაში ისევ არ მოაწერს ხელს, კანონი ძალაში პარლამენტის თავმჯდომარის ხელმოწერით შევა. ოპოზიცია ვეტოს დაძლევის საკითხს და „ქართული ოცნების“ მიერ ინიცირებულ კანონს ქვეყნის ევროპულ მომავალთან დაშორებად აფასებს და სამომავლო პროცესებთან დაკავშირებით, ერთიანობის მნიშვნელობაზე აკეთებს აქცენტს. მმართველი გუნდისთვის კი აღნიშნული ვეტო სამართლებრივი შენიშვნებისგან დაცლილი და არაკომპეტენტური დოკუმენტია და მთავარი მიზანი ქვეყნის სუვერენიტეტისა და ეროვნული ინტერესების დაცვაა. შეგახსენებთ, პარლამენტმა „უცხოური გავლენის გამჭვირვალობის შესახებ“ კანონზე პრეზიდენტის ვეტო გუშინ დაძლია. ვეტოს დაძლევასა და კანონის თავდაპირველი ვერსიით მიღებას მხარი 84-მა დეპუტატმა დაუჭირა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.