ხიდი მდინარეზე კი არა, მდინარეში - 600 ათასი ლარი საფეხმავლო ხიდისთვის

12.01.2024 01:55

Mtisambebi / მთის ამბები

არხი

https://mtisambebi.ge/ - მთიულეთში, ნაღვარევის მოპირდაპირე მხარეს, გვიდაქეს ხევში ახალაშენებული ხიდი დგას, ოღონდ ხიდი მდინარეზე კი არ არის გადებული, მდინარეში იწყება და მდინარეშივე მთავრდება. საფეხმავლო ხიდის მშენებლობა 2 წელია რაც დასრულდა. დუშეთის მერიამ წერილობით გვიპასუხა, რომ ყველაანში მისასვლელი საფეხმავლო ხიდის მოწყობის მიზნით, 2020 წელს 6254 ლარი პროექტის შესადგენად დაიხარჯა, 2021 წელს კი, მშენებლობისთვის ადგილობრივი ბიუჯეტიდან 141 149 ლარი გამოიყო. პროექტი დასრულდა 2022 წლის მაისში და ჩაბარებულია საექსპერტო დასკვნის საფუძველზე. მერიამ არ უპასუხა „მთის ამბების“ კითხვას, რატომ დასრულდა ხიდის მშენებლობა შუა მდინარეში და მოთხოვნის მიუხედავად, არც საექსპერტო დასკვნა მოგვაწოდა. დუშეთის მერიიდან მოწოდებული ინფორმაციით, ხიდის დაგრძელების სამუშაოებზე ახალი პროექტი უკვე შედგენილია და მერია მას 452 766 ლარით დააფინანსებს.

გაზიარება: