50-მდე სპეცრაზმელი რიონის ხეობის ერთი მცველის დასაკავებლად - სპეცოპერაცია სვანების უბანში

07.06.2021

Mtisambebi / მთის ამბები

არხი

© https://mtisambebi.ge/ - რიონის ხეობის მცველის, 29 წლის ირაკლი მუკბანიანის დასაკავებლად, შინაგან საქმეთა სამინისტრომ, წყალტუბოს სოფელ ახალ საყულიაში, სვანების უბანში სპეცოპერაცია 1-ელ ივნისს ჩაატარა. მუკბანიანის დაკავებაში 50-მდე სპეცრაზმელი მონაწილეობდა. შსს რიონის ხეობის მცველს პოლიციელზე თავდასხმას ედავება. გამოძიებას საქმეში ერთადერთი უტყუარი მტკიცებულება აქვს - „რუსთავი 2“-ის ეთერში გასული ვიდეო, საიდანაც ჩანს, ირაკლი მუკბანიანი პოლიციელს, თავში, ერთხელ როგორ არტყამს გაშლილ ხელს. სამინისტრომ ძალადობის ეს შემთხვევა პოლიციელზე თავდასხმის მუხლით დააკვალიფიცირა, რომელიც სასჯელის სახით ოთხიდან 7 წლამდე პატიმრობას ითვალისწინებს. ირაკლი მუკბანიანის დასაკავებლად შსს-მ ათობით სპეცრაზმელი ახალ საყულიაში ისე გაგზავნა, რომ ბრალდებული ერთხელაც კი არ დაუბარებიათ პოლიციის განყოფილებაში.

გაზიარება: