ტურისტული პოტენციალის განვითარების მიზნით მარნეულის მუნიციპალიტეტის მერიაში შეხვედრა გაიმართა

მარნეულს განჯიდან დელეგაცია ეწვია დღეს, მარნეულის მუნიციპალიტეტის მერიას, განჯიდან დელეგაცია ეწვია. აღნიშნული შეხვედრა, არასამთავრობო ორგანიზაცია ,,კოდის სათემო განათლების ცენტრი“-ის პროექტის „სამოქალაქო საზოგადოება თანამშრომლობისა და განვითარებისათვის ტურისტული პოტენციალის გაზრდა აზერბაიჯანისა და საქართველოს სასაზღვრო რეგიონებში“-ის ფარგლებში განხორციელდა. შეხვედრაზე, დელეგაციის წევრებს, მარნეულის მუნიციპალიტეტის მერიის ადმინისტრაციული სამსახურის უფროსმა, ნინო დეკანოიძემ, მერიის სხვა ხელმძღვანელ პირებთან და თანამშრომლებთან ერთად უმასპინძლა, სადაც დელეგაციის წევრებს მუნიციპალიტეტის ტურისტული პოტენციალი გააცნეს. პროექტი, რომლის ფარგლებში დღევანდელი ვიზიტი განხორციელდა, ევროკავშირის ფინანსური მხარდაჭერით ხორციელდება და განჯა-გაზახსა და ქვემო ქართლში საერთაშორისო ტურისტული მარშრუტების შექმნას, რეგიონული თანამშრომლობის განვითარებას და არსებული პოტენციალის გაზრდას ითვალისწინებს. დელეგაციის წევრები ერთი კვირის განმავლობაში ქვემო ქართლის შვიდივე მუნიციპალიტეტის ტურისტულ ღირსშესანიშნაობებს მოინახულებენ. http://marneuli.gov.ge/…/2001-marneul...