გიორგი სიბაშვილმა დღეს, კახეთის საინფორმაციო ცენტრის პრესკლუბში ბრიფინგი გამართა. სიბაშვილის წინააღმდეგ აღძრულ სისხლის სამართლის საქმეზე სასამართლო პროცესი პროკურორის გამოუცხადებლობის გამო დღეს მეცხრედ გადაიდო. სიბაშვილმა დღეს ბრიფინგზე საგანგებო განცხადება გააკეთა. ბრალდებულმა პროკურორი, გიორგი ლილუაშვილი, საქმის გაჭიანურებაში დაადანაშაულა და განაცხადა, რომ ის აღნიშნულ საქმესთან დაკავშირებით სახალხო დამცველის აპარატს აუცილებლად მიმართავს. თელავის რაიონულ სასამართლოში სიბაშვილის მიმართ აღძრულ სისხლის სამართლის საქმეზე დღეს არსებითი განხილვის 36-ე სხდომა უნდა გამართულიყო. სიბაშვილის განცხადებით, ყველა სახის მტკიცებულებების გამოკვლევა, რომელთაგანაც ვერცერთი ვერ ადასტურებს რაიმე სახის დანაშაულის არსებობას, ჯერ კიდევ 23 სექტემბერს დამთავრდა.
ვებ-გვერდზე გადასვლა:
http://bit.ly/1wOGjMr
ვებ-გვერდზე გადასვლა:
http://bit.ly/1wOGjMr
