სალომე ზურაბიშვილი ზუგდიდში: სამეგრელოს საინტერესო პოტენციალი აქვს

საქართველოს პრეზიდენტმა სამეგრელო-ზემო სვანეთის სამხარეო ადმინისტრაციაში რეგიონის მერებთან და მხარის გუბერნატორთან შეხვედრა გამართა. ის ჟურნალისტებისთვის დახურული იყო. მანამდე, მოძრაობა „შეცვალეს“ აქტივისტებმა საპროტესტო აქცია გამართეს, მათ სალომე ზურაბიშვილისთვის შეკმაზული ლობიოს და მწვანე ხახვის გადაცემა სცადეს, თუმცა მათ ამის საშუალება სამართალდამცავებმა არ მისცეს. შეხვედრის დასრულების შემდეგ საქართვლოს პრეზიდენტმა ჟურნალისტებთან კომენტარი გააკეთა. „მნიშვნელოვანია, რომ პრეზიდენტმა კარგად გაიცნოს რეგიონში არსებული პრობლემები და წარმატებები. ამ ყველაფრის შესახებ დღეს ვრცლად მოვისმინე და ძალიან ბედნიერი ვარ იმით, რაც მოვისმინე, რამდენი წარმატებაა სამეგრელოში და რამდენი საინტერესო პოტენციალი. ჯერჯერობით ვაგრძელებ საქმიანობას რეგიონებში, რამე თუ ხალხმრავლობასთან არ არის დაკავშირებული. ვთვლი, რომ პანიკა არ უნდა იყოს, უნდა იყოს სიფრთხილე. მოსახლეობას რაღაც განცდა უნდა მივცეთ, ის რაც შეიძლება, ყველაფერი გრძელდება, საქმიანობა არ არის შეწყვეტილი. თუმცა, როგორც იქნება მითითებები მეც დავემორჩილები. თუ უცხოეთში ვიზტები შეიზღუდება, შეიზღუდება ჩემი ვიზიტებიც“, - განაცხადა ზურაბიშვილმა. საქართველოს პრეზიდენტი მოსახლეობას მიმართავს და ამბობს, რომ შესაძლებელია სახელმწიფომ რეგულაციები დააწესოს და მას უნდა დავემორჩილოთ. რადიო "ათინათი" Website: http://radioatinati.ge/ Facebook: https://www.facebook.com/Rado.ATINATI... Google+: https://plus.google.com/u/0/116211701... Twitter: https://twitter.com/