ოჯახში ძალადობის თემაზე ზუგდიდში კონკურსი გაიმართა

ზუგდიდში საზოგადოებრივი პროკურატურის პროექტის ფარგლებში საჯარო სკოლის მოსწავლეებს შორის ოჯახში ძალადობის თემაზე კონკურსი გაიმართა. ის ზუგდიდის რაიონული პროკურატურის ორგანიზებით მოეწყო და მასში ქალაქის #2 და #5 საჯარო სკოლების და ალექსანდრე ღურწკაის სახელობის გიმნაზიის მოსწავლეები მონაწილეობდნენ. ღონისძიების ფარგლებში ახალგაზრდებმა მათ მიერ გადაღებული ვიდეო რგოლები წარადგინეს, რომლებიც ოჯახში ძალადობის ნეგატიურ შედეგებს ასახავენ. ზუგდიდის რაიონული პროკურორის ლევან სალიას თქმით, აღნიშნული ღონისძიების მიზანია დანაშაულის პრევენცია და ახალგაზრდებში ჯანსაღი ცხოვრების წესის პოპულარიზაცია. „მსგავს ღონისძიებებში მნიშვნელოვანია არასრულწლოვანების ჩართვა. მონაწილეებმა აღნიშნულ თემასთან დაკავშირებით საინტერესო პრეზენტაციები წარმოადგინეს“-, განაცხადა ლევან სალიამ. შეხვედრის ბოლოს გამოვლენილ კონკურსის გამარჯვებულ და ასევე თითოეულ მონაწილეს ფასიანი საჩუქრები და სიგელები გადაეცათ. რადიო "ათინათი" Website: http://radioatinati.ge/ Facebook: https://www.facebook.com/Rado.ATINATI... Google+: https://plus.google.com/u/0/116211701... Twitter: https://twitter.com/