დაზარალებულის უფლებებისადმი მიძღვნილი კვირეული სამეგრელოში

ზუგდიდის რაინული პროკურატურა „დაზარალებულთა კვირეულის“ ფარგლებში სკოლის მოსწავლეებთან საინფორმაციო შეხვედრებს ატარებს. უწყების წარმომადგენლებმა მოზარდებს დაზარალებულის უფლებები და მათი დაცვის მექანიზმები გააცნეს. შეხვედრები მეორეს საჯარო სკოლიდან დაიწყო. პროკურორის ლევან სალიას თქმით, მნიშვნელოვანია საზოგადოებას მივაწოდოთ ინფორმაცია იმის შესახებ თუ რა მუხლები იცავს დაზარალებულის უფლებებს. „აქცია საქართველოს მათავრი პროკურატურის მიერ არის ორგანიზებული და ქვეყნის დიდ ქალაქებში ტარდება. დაზარალებული უფლებებზე უკვე ვესაუბრეთ მეორე საჯარო სკოლის მოსწავლეებს. მათ სისხლის სამართლის საპროცესო კოდექსით გათვალისწინებული დაზარალებულის უფლებების, ოჯახში ძალადობისა და ასევე ახალი დანაშაულის - ადევნების შესახებ მივაწოდეთ ინფორმაცია. ამავე თემაზე დღეს შეხვედრა ჯვარში იგეგმება. მნიშვნელოვანია საზოგადოებამ და მათ შორის მოზრდებმა იცოდნენ, თუ რა მექანიზმებით ცდილობს სახელმწიფო დაზარალებულები დაცვას“, - განაცხადა ლევან სალიამ. „დაზარალებულთა კვირეული“ 2017 წლის 27 ნოებრიდან 3 დეკემბრამდე იმართება, რომლის ფარდლებშიც საინფორმაციო შეხვედრები, სკოლის მოსწავლებთან სტუდენტებთან და მოსახლეობასთან გაიმართება. რადიო "ათინათი" Website: http://radioatinati.ge Facebook:   / rado.atinati   Google +: https://plus.google.com/u/0/116211701... Twitter: https://twitter.com/