შეთანხმება სომხეთსა და აზერბაიჯანს შორის

რუსეთმა მთიან ყარაბაღში სამხედროები გაგზავნა. ამის ამსახველი ვიდეომასალა გვიან ღამით რუსულმა მედიასაშუალებებმა გაავრცელეს. როგორც ცნობილია, ამ დროისთვის ყარაბაღში რვა თვითმფრინავია გაშვებული. სამშვიდობო კონტიგენტის შემადგენლობაში 1960 ჯარისკაცი, 990 ჯავშანტრანტექნიკა და 380 საავტომობილო სპეციალური ტექნიკაა. ასევე სომხური მედიის ინფორმაციით, რუსეთისა და თურქეთის თავდაცვის სამინისტროები მთიან ყარაბაღში მონიტორინგის ცენტრს შექმნიან. ცენტრის მიზანი, მთიან ყარაბაღში ცეცხლის შეწყვეტის შეთანხმების შესრულებაზე მონიტორინგის განხორციელება იქნება. მონიტორინგის ცენტრის მუშაობა შეთანხმების მე-5 პუნქტით განისაზღვრა, რომელსაც აზერბაიჯანის პრეზიდენტი ილჰამ ალიევი, სომხეთის პრემიერ-მინისტრი ნიკოლ ფაშინიანი და რუსეთის პრეზიდენტი ვლადიმერ პუტინი აწერენ ხელს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.