სიფხიზლის დღე

რუსეთის ფედერაციის ქალაქ ტვერში, ალკოჰოლიზმთან ბრძოლის ახალი მეთოდი შეიმუშავეს. რამდენიმე დღის წინ, ტვერის მიტროპოლიტმა სავამ, ადგილობრივი დეპუტატების მხარდაჭერით, თვითმფრინავში ჩაისვა სამღვდელოების წევრები და ტვერის თავზე, 600 მეტრის სიმაღლიდან, 70 ლიტრი წმინდა წყალი ასხა. ეს მოქმედება „სიფხიზლის დღის“ აღნიშვნას დაამთხვიეს. სამღვდელოების თქმით, „ყოველი ავადმყოფობა-ვირუსია, ვირუსი კი ეშმაკია.“-ასეთი ციტატა მოჰყავს რუსულ მედიას. კიდევ, ტვერის მიტროპოლიტი იმედოვნებს, რომ ამგვარად ქალაქში შეძლებენ დაამარცხონ სოციალური უბედურებები, პროსტიტუცია და გზებზე ავტოავარიების რიცხვიც საგრძნობლად შეამცირონ. ერთ-ერთი სასულიერო პირი ყვება, რომ ტვერის თავზე ცოტა უფრო მორიდებულად 2006 წლიდან დაფრინავდნენ და ამ რიტუალს უკვე ტრადიციული ხასიათი მიეცა, თუმცა წელს წმინდა წყლის ლიტრაჟი ძალიან გაზარდეს. ამასთანავე, მისი თქმით, გინდ დაიჯერეთ, გინდ არა და ერთ-ერთმა ლოთმა, როცა ერთხელაც ცაში ახედა და მათი თვითმფრინავი დაინახა, ცოლს უთხრა, რომ აღარ დალევდა და აღარც დაულევია... მიტროპოლიტ სავას თვითმფრინავში თან ოპერატორიც ჰყავდა, რომელიც წმინდა წყლის ცაში ბიდონებით გადასხმას ოსტატურად იღებდა. კიდევ ორი წყვილი აიყოლეს, რომლებსაც თითქოს და წინა რეისების დროს ციდან წვეთები დაეცათ და განიკურნენ... ახლა საჩვენებელი მაგალითისთვის ჰყავდათ თან... მიტროპოლიტი სავა დარწმუნებულია, რომ ამ რიტუალის შემდეგ, ღვთაებრივი ძალების შეწევნით, ტვერში არსებული კატასტროფული სიტუაცია გამოსწორდება. თუმცა, თვითმფრინავში ყოფნისას სათადარიგო პარაშუტის სხეულზე დამაგრება არ დავიწყებია... რუსეთში გამძვინვარებულ და სამარცხვინო ლოთობას კომუნისტები ათასგვარი ხერხით ებრძოდნენ და ვერაფრით დაამარცხეს...როგორც ჩანს, რუსული სამღვდელოება ამჯერად სულ სხვა, წარმოუდგენლად მაღალ „ლეველზეა“ გასული. #ძალიანფხიზელირუსეთი #რუსეთი #ნოუჰაუ ნაკლების ნახვა Facebook -   / simartlerusulad