ლალი ანთია smo.ge-ს ფუნქციონირების შეჩერებას მოითხოვს

მოქალაქე ლალი ანთია საინფორმაციო საგენტოს „smo.ge“ რედაქტორს მალხაზ ბასიალიას ცილისწამებაში ადანაშაულებს. მან ამის შესახებ ზუგდიდის დემოკრატიული ჩართულობის ცენტრში გამართულ ბრიფინგზე ისაუბრა. მისი თქმით, ბასილაია სამეგრელო - ზემო სვანეთის გუბერნატორის ლევან შონიას დავალებით, მასზე ცრუ ინფორმაციას სააგენტოს საშუალებით ავრცელებს. ანთია უახლოეს დღეებში ჟურნალისტის წინააღმდეგ სასამართლოში ჩივილს გეგმავს. მანამდე კი ის ინტერნეტ გამოცემის ფუნქციონირების შეჩერებას ითხოვს. „გაზეთ „ალიაში“ გამოვაქვეყნე გუბერნატორზე სტატია, სადაც მის დანაშაულებრივ ქმედებებზე ვსაუბრობ. მას შემდეგ შონიამ ბასიალაია თავისთან დაიბარა და მისი მეშვეობით მებრძვის”. საინფორმაციო სააგენტოს რედაქტორი მალხაზ ბასილაია ბრალდებებს აბსურდულს უწოდებს და ამბობს, რომ ანთიაზე ინფორმაციის გამოქვეყნებას გააგრძელებს. თავის მხრივ, ლევან შონიას მიმართ გამოთქმულ ბრალდებებს სამხარეო ადმინისტრაციაში სასაცილოს უწოდებენ და აცხადებენ, რომ გუბერნატორი უფრო მნიშვნელოვანი საქმეებით არის დაკავებული. რადიო "ათინათი" Website: http://radioatinati.ge/ Facebook: https://www.facebook.com/Rado.ATINATI... Google+: https://plus.google.com/u/0/116211701... Twitter: https://twitter.com/