ზუგდიდის ერთ-ერთ სკოლაში პირველკლასელები მამებმა მიიყვანეს

16.09.2019 02:08

Radio Atinati

არხი

ზუგდიდის სოფელ ძველ აბასთუმანში ახალი სასწავლო წლის დაწყება პერფორმანსით აღნიშნეს. პირველკლასელები საბავშვო ბაღიდან სკოლამდე აღმზრდელებმა მიიყვანეს და მამებს ჩააბარეს. თავის მხრივ, მამებმა შვილები დამამთავრებელი კლასის მოსწავლებთან მიიყვანეს, რომლებმაც ისინი სასკოლო ოთახამდე მიაცილეს. პერფორმანსის იდეა დაწყებითი კლასის მასწავლებელს ცირა გულუას ეკუთვნის. ღონისძიების მიზანი ბავშვების აღზრდის პროცესში მამების როლის გაზრდა და სასკოლო ცხოვრებაში მათი ჩართულობა იყო. აღნიშნულ სკოლას წელს 21 პირველკლასელი ჰყავს. რადიო "ათინათი" Website: http://radioatinati.ge/ Facebook: https://www.facebook.com/Rado.ATINATI Google+: https://plus.google.com/u/1/ Twitter: https://twitter.com/Atinati1059 Instagram: //www.instagram.com/radioatinati1059fm/ „წლევანდელი წელი მამების წლად გამოვაცხადეთ. საზეიმო შეხვედრით დავიწყეთ და იმედი მაქვს, რომ მამების გული მოვაბრუნე სკოლისკენ. ჩვენ, მამებთან ერთად, ბევრ სასიკეთო და კარგ საქმეს გავაკეთებთ სკოლის ცხოვრებისთვის, რაც მისაბაძი იქნება ბავშვებისთვის“, - თქვა პედაგოგმა ცირა გულუამ.

გაზიარება: