საქართველოში „კოვიდ-19“-ით კიდევ ერთი, მე-17 პაციენტი გარდაიცვალა.

საქართველოში „კოვიდ-19“-ით კიდევ ერთი, მე-17 პაციენტი გარდაიცვალა. მცხეთის კლინიკაში მოთავსებული ასაკოვანი ქალის   მდგომარეობა კრიტიკულად მძიმე იყო. რამდენიმე წუთში მარიამ სეთურიძეს ჩავრთავთ, მანამდე კი გეტყვით, რომ გარდაბნის რაიონში რთული ეპიდემიოლოგიური ვითარებაა. გაჩიანში უკვე დადასტურებულ „კოვიდ-19“-ის შემთხვევებს დღეს ხუთი ახალი ფაქტი დაემატა, ჯამში კი, ბოლო 24 საათში ათი ინფიცირებულია გამოვლენილი. სიტუაციას ართულებს ის გარემოება, რომ ათიდან ერთ შემთხვევაში, ინფიცირების წყარო უცნობია. საუბარია რუსთავში მცხოვრებ 87 წლის ქალზე, რომლის ოჯახის წევრებს ახლა იკვლევენ. თუ ივნისისა და ივლისის პირველი ნახევრის სტატისტიკას დავეყრდნობით, კორონავირუსის გართულებული შემთხვევების რაოდენობა მკვეთრად არის შემცირებული. ამ ტენდენციას ეპიდემიოლოგები ვირუსული ინფექციის მახასიათებლების შესახებ ინფორმირებულობის ზრდასა და გარკვეული გამოცდილების დაგროვებასაც უკავშირებენ. ანუ, თუ აპრილში, როცა დაავადების გავრცელების მაჩვენებელი პიკში იყო, მძიმე და კრიტიკული პაციენტების რიცხვი ინფიცირებულთა 25%-ს შეადგენდა, ივნისში ამ მონაცემმა ორ პროცენტამდე დაიწია. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.