ახალი კორონავირუსის გავრცელების პრევენცია საქართველოში

კორონავირუსის კიდევ ერთი შემთხვევა საქართველოში. ამ ეტაპზე ვიცით მხოლოდ ის, რომ ინფიცირება იტალიაში ნამყოფ პირთან კონტაქტს უკავშირდება. შესაბამისად ამ დროისთვის ქვეყანას უკვე 24 ინფიცირებული ჰყავს. საეჭვოა კიდევ რამდენიმე შემთხვევა. მათ შორის არიან  რომიდან  გუშინ სპეც-რეისით ჩამოყვანილი მოქალაქეები, რომელთა ანალიზის პასუხები უახლოეს საათებში უნდა გახდეს ცნობილი.  ხვალ გვეცოდინება, გამოჯანმრთელდა თუ არა პაციენტი, რომელსაც საქართველოში კორონავირუსი პირველს დაუდასტურდა. ირანიდან შემოსული მამაკაცის დღევანდელმა ანალიზმა დადებითი დინამიკა აჩვენა. მისი კლინიკაში დატოვების ან გაწერის საკითხი განმეორებითი კვლევის პასუხზეა დამოკიდებული. რისკების და „კოვიდ 19“-ით ინფიცირებულთა ზრდის გამო კიდევ უფრო მკაცრდება პრევენციული ზომები. საფრანგეთი, გერმანია და ესპანეთი ემატება იმ ქვეყნების რიცხვს, საიდანაც დაბრუნება ავტომატურად თვითიზოლაციაში ყოფნას გულისხმობს.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.