გალში ინციდენტების პრევენციისა და მათზე რეაგირების მექანიზმის ფარგლებში შეხვედრა დასრულდა

როგორც ჟურნალისტებს სუს-ის ანალიტიკური დეპარტამენტის უფროსის მოადგილე კახაბერ ქემოკლიძემ განუცხადა, შეხვედრაზე ისაუბრეს გიგა ოთხოზორიას მკვლელობის საკითხზე. ქვემოკლიძის თქმით, აფხაზური მხარე მათ დაჰპირდა, რომ მომავალ შეხვედრაზე დე ფაქტო პროკურატურის წარმომადგენლები აღნიშნული საქმის გამოძიების დეტალებს გააცნობენ. ამასთან, დღეს განიხილეს გიორგი ლუკავას საკითხიც. როგორც ირკვევა, ქართულმა მხარემ მოითხოვა, წითელ ჯვარს მიეცეს უფლება, მოინახულოს პატიმარი. გიორგი ლუკავა სასჯელს დრანდის საპატიმროში იხდის. ენგურის ხიდზე იმყოფებოდა გიორგი ლუკავას მეუღლე ლალი ბასარია. მისი განცხადებით, ოჯახს პრეტენზია საქართველოს ხელისუფლების მიმართ აქვს და ისინი დამოუკიდებლად დაიწყებენ მოქმედებას. როგორც ბასარია ამბობს, მისი მეუღლე 10 მარტს აფხაზეთს დე ფაქტო რესპუბლიკის წარმომადგენლების მიერ გადმოცემულ 8 ქართველ პატიმართან ერთად უნდა ყოფილიყო, თუმცა, აფხაზური მხარისთვის გადაცემულ დოკუმენტში მისი მეუღლის სახელი და გვარი არ იყო დატანილი „დღეს პირველად დასვეს საკითხი გიორგი ლუკავას შესახებ. ჩემი მოთხოვნა არის ჩემი ტყვედჩავარდნილი მეუღლის დაბრუნება“, - აღნიშნა ბასარიამ. შეხვედრაზე ასევე 2012 წეს ოკუპირებუ ტერიტორიაზე უგზო-უკვლოდ დაკარგული ზაზა წულუკიას საკითხზე ისაუბრეს. მორიგი შერეული შეხვედრა 19 ოქტომბერსაა დანიშნული. რადიო "ათინათი" Website: http://radioatinati.ge/ Facebook: https://www.facebook.com/Rado.ATINATI... Google+: https://plus.google.com/u/0/116211701... Twitter: https://twitter.com/