„მრავალფეროვანი საქართველო“ ვიზიტი სოფელ დიცში

27 ოქტომბერს, საქართველოს კულტურისა და ძეგლთა დაცვის მინისტრი მიხეილ გიორგაძე და შერიგებისა და სამოქალაქო თანასწორობის საკითხებში სახელმწიფო მინისტრი პაატა ზაქარეიშვილი საოკუპაციო ხაზთან მდებარე სოფელ დიცს ეწვივნენ და ქართველ მწერლებთან ერთად ადგილობრივ მოსახლეობას შეხვდნენ. პროექტის „მრავალფეროვანი საქართველო“ ფარგლებში, ქართველმა მწერლებმა - ანა კორძაია-სამადაშვილმა, ზურაბ ქარუმიძემ და სალომე ბენიძემ, დიცში ადგილობრივ მოსახლეობას საკუთარ ნაწარმოებები გააცნეს. შეხვედრის დროს, საუბარი შეეხო ლიტერატურული პროცესების განვითარების მნიშვნელობას და ეთნოპოლიტიკური კონფლიქტების მოგვარების თვალსაზრისით, კულტურული დიალოგის გაღრმავების დადებით გავლენას. შეხვედრა დიცის საჯარო სკოლაში გაიმართა. პროექტი „მრავალფეროვანი საქართველო“ საქართველოს კულტურისა და ძეგლთა დაცვის სამინისტროს ინიციატივითა და გ. ლეონიძის სახელობის ქართული ლიტერატურის სახელმწიფო მუზეუმის ორგანიზებით ხორციელდება. http://www.culture.gov.ge/ http://www.facebook.com/culturegovge http://twitter.com/#!/CULTUREgovge    / culturegovge   http://www.flickr.com/photos/cultureg... http://www.myvideo.ge/?user_id=855045