ქალთა სოლიდარობის მარში ზუგდიდში

საქართველოს მასშტაბით გამართულ ქალთა სოლიდარობის მარშს ზუგდიდში შეუერთდნენ. აქციის მონაწილეებმა უთანასწორობის, ძალადობისა და ჩაგვრის ფაქტები გააპროტესტეს. „დღეს ჩვენ გვინდა მოვუწოდოთ ყველა ქალს ნუ გაჩუმდებიან და ხმა აიმაღლონ ძალადობის ფაქტების გამოვლენის შემთხვევაში. ვიყოთ ერთად, როდესაც თავს ესხმიან ერთ-ერთ ჩევნგანს. სწორედ დღეს არის ის დღე როდესაც ქალებს შეგვიძლია ვანახოთ საზოგადოეაბს, რომ ჩვენ ვართ სოლიდარულები და შეგვიძლია ერთმანეთის დაცვა“, -თქვა „თამასწორობის მოძრაობის“ ხელმძღვანელმა ციცინიო შენგელიამ. სოლიდარობის აქციას მოქალაქეებთან ერთად ევროპული საქართველოს მერობის კანდიდატი ლელა ქებურიაც შეუართდა. „საზოგადოება არ უნდა იყოს ჩუმად, ნებისმიერი სახის ძალადობის გამოვლინების შემთხვევშიც, ქართველობა არ არის ქალებზე ძალადობა, ქართველობა არ არის სუსტის ჩაგვრა“, -აღნიშნა ქებურიამ. ამასთან, მარშის მონაწილეებმა სოლიდარობა გამოუცხადეს ძალადობის მსხვერპლ ქალებს და აღნიშნეს, რომ სექსუალური შევიწროებაც არის ძალადობა და შესაბამის უწყებებს მსგავს ფაქტებზე მკაცრი რეაგირებისკენ მოუწოდეს. რადიო "ათინათი" Website: http://radioatinati.ge/ Facebook:   / rado.atinati.  . Google+: https://plus.google.com/u/0/116211701... Twitter: https://twitter.com/