obieqtivi კვირის მოვლენა событие недели

2012 წლის 24 ივნისი, 23:30 - 00:25 წამყვანი: კვიცარიძე ზაზა, ჯღარკავა ნინო სტუმარი: „გლობალტივის" განვითარებისა და მარკეტინგის დირექტორი ბაზლიძე ზურაბ -- ამ დროისთვის „გლობალ ტივის" დაახლოებით 100 000-მდე სატელიტური თეფშია დაყადაღებული. 6-7 მილიონ ლარამდე ზარალი მივიღეთ და თუ ასე გაგრელდა, ეს ციფრი კიდევ გაიზრდება. ამ დროისთვის ანტენების დამონტაჟება შეჩერებულია და რეალურად 1000-მდე თანამშრომელი უმუშევარი დარჩა. თუ ჩვენი საქმიანობა დიდხანს შეფერხდება, ფაქტორბირვად, ამ ადამიანების დასაქმებას ვეღარ შევძლებთ. -- მივმართავ ჩვენს მომხმარებელს, საკუთარ თავს პრობლემები არ შეუქმნან, დაკითხვაზე იურისტის გარეშე არ წავიდნენ. თუ ვინმე დაინტერესებულია, რომ „გლობალტივის" პრობლემები შეუქმნას, შესაძლოა ეს მომხმარებლის საშუალებით მოახერხოს. თუ ვინმე ჩვენებაში დაადასტურებს, რომ მას სატელიტური თეფში საჩუქრად გადასცეს, შეიძლება თავად შეექმნას პრობლემა, რადგან კანონმდებლობის მიხედვით, არამარტო საჩუქრის გადამცემი, არამედ საჩუქრის მიმღებიც ისჯება. -- „გლობალიტივის" ანტენების დამონტაჟების პროექტი ჩვენთვის კომერციულად მომგებიანი იყო. ასევე, სასარგებლო იყო ყველა ქართული არხისთვის, მათ შორის, „25-ე არხისთვისაც", რომელზეც თქვენ მაუწყებლობთ. თუკი „25-ე არხს" თანამგზავრის საშუალებით, ვთქვათ, 100 000-მდე ადამიანი უყურებდა, მალე მინიმუმ 100 000 დაემატებოდა. ჩვენი პროექტი განსაკუთრებით მნიშვნელოვანი იქნებოდა ისეთი ახალგაზრდა არხისთვის, როგორიც „მე-9 არხია". სამწუხაროდ, მოხდა ამ თემის პოლიტიზირება. ბიძინა ივანიშვილთან კი არანაირი კავშირი არ გვაქვს.