obieqtivi zaza kvitsaridze ჭიქაშვილი დააპატიმრეს

2012 წლის 15 ივლისი, 22:30 - 23:25 წამყვანი: კვიცარიძე ზაზა ჭიქაშვილი დააპატიმრეს -- გუშინ უფლებადამცველი ორგანიზაციის „რატომის" ხელმძღვანელი, „ობიექტივის" ჟურნალისტი მერაბ ჭიქაშვილი დააპატიმრეს. მას სრულიად უსაფუძვლოდ წაუყენეს ბრალდება პატრულისადმი დაუმორჩილებლობაში. ბრალდება იმდენად უსუსური იყო, რომ დღეს დილით გაათავისუფლეს, თუმცა ყველასათვის გასაოცრად 400-ლარიანი ჯარიმა დააკისრეს. ეს იმის მაუწყებელია, რომ ამ მთავრობას მერაბის პროფესიონალიზმი ყელზე ადგას და ყველანაირად ცდილობენ ჟურნალისტების დაშინებას. მერაბის დაშინება არათუ ძნელი, შეუძლებელია. მერაბ ჭიქაშვილს სოლიდარობას ვუცხადებ. -- ქართული ოცნების ლიდერები: ქეთი დოლიძე და დიმიტრი ლორთქიფანიძე გორის რაიონის სოფლებს სტუმრობდნენ. მათ ამომრჩეველს საკუთარი პროგრამა გააცნეს და მოსახლეობის პრობლემები მოისმინეს. სოფელ ნაბახტევში ნასვამმა მამაკაცებმა შეხვედრის ჩაშლა სცადეს. სოფელ შინდისში „ნაციონალური მოძრაობის" წარმომადგენლები ცდილობდნენ ხელი შეეშალათ მოსახლეობასთან „ქართული ოცნების" ლიდერების შეხვედრისთვის, თუმცა შეხვედრა მაინც შედგა. -- „ქართული ოცნების" ლიდერებს გორის რაიონის სოფელ ნიქოზში მოსახლეობასთან შეხვედრისას გამგებლის სანათესაომ და „ნაციონალური მოძრაობის" აქტივიტებმა დებოში მოუწყვეს. შემდეგი შეხვედრა „ქართული ოცნების" წარმომადგენლებმა გორის რაიონის სოფელ ქვეშში გამართეს. შეხვედრაზე ქვეშის გამგებელი გუჯა რჩეულიშვილი და „ნაციონალური მოძრაობის" აქტივისტებიც გამოჩდნენ და შეხვედრის ჩაშლა სცადეს.