obieqtivi zaza kvitsaridze kaha basilia aleko shalamberidze

2012 წლის 12 სექტემბერი, 17:30 - 18:25 წამყვანი: კვიცარიძე ზაზა სტუმარი: „ქრისტიან დემოკრატიული მოძრაობის" ჩუღურეთის მაჟორიტარი დეპუტატობის კანდიდატი ბასილია კახა - ბევრი ვეტერანი სახელმწიფოს ბალანსზე არსებულ შენობებში ცხოვრობს. ჩვენ რამდენიმე ოჯახს საცხოვრებელი ფართების დაკანონებაში დავეხმარეთ. თუმცა შეღავათები, რომლებიც ადრე მათთვის მოქმედებდა, დღეს გაუქმებულია. ჩვენ უნდა აღვადგინოთ ის კანონები, რომლებიც 2004 წლამდე მოქმედებდა. - ქვეყანაში არალოგიკურად არის ვეტერანთა პენსიები გადანაწილებული. ისე უნდა შევიმუშავოთ კანონი, რომ სამართლიანად დარეგულირდეს პენსიების საკითხი. - ვეტერანთა პრობლემები მას შემდეგ მოგვარდება, რაც ეს „ ბანდა" - ნაციონალური მოძრაობა დატოვებს მთავრობას. „თავისუფალი საქართველო" მხარს არ უჭერს ჩვენი ჯარისკაცების ავღანეთის ოპერაციებში გაგზავნას, რადგან ეს არ არის ჩვენი ომი. ჩვენი პარტიის გამარჯვების შემთხვევაში, ავღანეთიდან ჯარისკაცებს გამოვიყვანთ და იმ თანხას, რომელიც მათთვის არის განკუთვნილი, საქართველოს ჯარისკაცებს მოვახმართ. - ჩვენ გავაკეთებთ ყველაფერს, რომ დაფასებული იყოს ვეტერანები, ადამიანები, რომლებიც მზად იყვნენ თავი შეეწირათ სამშობლოს ერთიანობისთვის. უნდა გამოვიყენოთ ვეტერანების ცოდნა და მათი გამოცდილება ახალგაზრდების ცნობიერების ჩამოყალიბებაში.