კოლხური ვაზისა და ღვინის ასოციაცია დაარსდა

07.08.2017 02:49

Radio Atinati

არხი

გადაშენების პირას მყოფი კოლხური ვაზის ჯიშების აღდგენისის მიზნით, ზუგდიდში კოლხური ვაზისა და ღვინის ასოციაცია დაარსდა. მეღვინეებისა და მევენახეებისგან შემდგარ საინიციატივო ჯგუფთან ერთად, მისი დამფუძნებელია აფხაზეთის ავტონომიური რესპუბლიკის სავაჭრო-სამრეწველო პალატა. ასოციაციას მიხეილ ცირდავა უხელმძღვანელებს. ასოციაციის დარსებას წინ უძღოდა სამეცნიერო კონფერენცია "მეღვინეობა-მევენახეობა სამეგრელოში", რომელიც ქალაქ ზუგდიდის მერიის ინიციატივითა და ორგანიზებით ჩატარდა. სწორედ აქ გადაწყდა შექმნილიყო კოლხური ვაზისა და ღვინის ასოციაცია. ახლადშექმნილი ასოციაციის მიზანია ხელი შეუწყოს მივიწყებული, გადაშენების პირას მყოფი კოლხური ვაზის ჯიშების აღდგენას და იზრუნოს მათ გაშენებაზე (კოლოში, ჭვიტილური, პანეში, ჩექობალი, ოჯალეში, ჩეში და ა.შ). მასში გაწევრიანება ყველა მსურველს შეეძლება. რადიო "ათინათი" Website: http://radioatinati.ge/ Facebook: https://www.facebook.com/Rado.ATINATI... Google+: https://plus.google.com/u/0/116211701... Twitter: https://twitter.com/

გაზიარება: