პრეზიდენტის განცხადება - გამოხმაურება

საქართველოს პრეზიდენტი CNN-თან ინტერვიუში ქვეყანაში მიმდინარე დემონსტრაციებს გამოეხმაურა. მისი შეფასებით, ეს არის ყველაზე მშვიდობიანი პროტესტი და ამის მიზეზი მოსახლეობის მოწიფულობაა, რაც მაგალითი უნდა იყოს მსოფლიოსთვის. ზურაბიშვილის თქმით, არჩევნების მოახლოებასთან ერთად, ის იქნება პროევროპული ფრონტის ლიდერი და გახდება საქართველოს ევროპული კურსის გარანტორი, რაც მისი თქმით, სამოქალაქო საზოგადოებასთან და პოლიტიკურ პარტიებთან აქტიურ კომუნიკაციაში გამოიხატება. სალომე ზურაბიშვილის თქმით, „უცხოური გავლენის გამჭვირვალობის შესახებ კანონი“ არის შემაშფოთებელი, რადგან ქვეყანას ევროპულ გზას აშორებს. CNN-ის წამყვანი დაინტერესდა, რამდენად ხედავს საქართველოს პრეზიდენტი საფრთხეს, რომ საქართველოში ის სცენარი განვითარდეს, რაც 2013 წელს უკრაინაში. სალომე ზურაბიშვილმა განაცხადა, რომ საქართველოს საკუთარი მაიდანი უკვე გამოვლილი აქვს. აღნიშნულ ინტერვიუს ეხმაურება პოლიტიკური სპექტრი. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.