პრეზიდენტის განცხადება ვაქცინაციასთან დაკავშირებით - გამოხმაურება

„საქართველოში გარკვეული ჯგუფებისათვის აცრა სავალდებულო უნდა გახდეს“ – ასეთია პრეზიდენტის პოზიცია. სალომე ზურაბიშვილმა რამდენიმე გეგმა დაასახელა, რამაც მისი მოსაზრებით, ხელი უნდა შეუწყოს ეპიდემიოლოგიური ვითარების გაუმჯობესებას, მათ შორის არის რისკ-ჯგუფებისთვის სავალდებულო ვაქცინაცია, კოვიდპასპორტების შემოღება და ფასიანი მკურნალობა აუცრელი პირებისთვის. პრეზიდენტი გართულებულ ეპიდვითარებაზე პასუხისმგებლობას საპატრიარქოსაც აკისრებს და აცხადებს, რომ ქვეყანაში ვაქცინაციის პოპულარიზაციისთვის აქტიური კამპანია უნდა დაიწყოს. „ეკლესია ვაქცინაციას არ ეწინააღმდეგება“ – აცხადებს პრეზიდენტის საპასუხოდ მამა გიორგი ზვიადაძე. მისივე თქმით, მიუხედავად საპატრიარქოს გაცხადებული პოზიციისა, ადამიანმა აცრის გადაწყვეტილება დამოუკიდებლად უნდა მიიღოს. მამა გიორგი ზვიადაძის განცხადებით, ცალკეული სასულიერო პირების ანტივაქსერული მოწოდებები არასწორი და მიუღებელია. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.