სამსახურიდან უკანონოდ გათავისუფლებული ანა ჩართოლანის 8 წლიანი ბრძოლა სვანეთში

13.02.2021 15:57

Mtisambebi / მთის ამბები

არხი

© https://mtisambebi.ge/ - ანა ჩართოლანი ააიპ მესტიის მუნიციპალიტეტის გარეგანათების სამსახურში ბუღალტრად 2012 წლის აგვისტოდან მუშაობდა. ის 2013 წლის 14 ნოემბერს გაათავისუფლეს. მას შემდეგ დავობს. სასამართლომ სამსახურის უფროსს მისი აღდგენა დაავალა. ანა ფიქტიურად აღადგინეს ისე, რომ მან ამის შესახებ არაფერი იცოდა, არცერთი დღე არ უმუშავია. მალევე, სამსახურებრივი მოვალეობის შეუსრულებლობის საბაბით, საყვედური გამოუცხადეს და მეორედ გაათავისუფლეს. ანამ სასამართლო კიდევ მოიგო. სამსახურის უფროსი კანონიერ ძალაში შესულ გადაწყვეტილებას არ ასრულებს. რვაწლიანი დავის პერიოდში, ანას სამსახურიდან ინტერნეტის მოდემის ქურდობა დააბრალეს და მის მიმართ გამოძიება დაიწყეს; შეუთვალეს, რომ „არასრულწლოვან შვილებს გაუფრთხილდეს“; ქუჩა, სადაც ანა ცხოვრობს, გარეგანთება გამორთეს და ჩააბნელეს; განაცდურის ასანაზღაურებლად ხელფასი სამსახურის თანამშრომლებს დააკლეს და ზოგიერთი მათგანი ანას გადაკიდეს, სახლში უვარდებოდნენ; ანა მაინც იბრძვის სამართლიანობისთვის.

გაზიარება: