„თავისუფალი დემოკრატების“ ბრალდება

რესპუბლიკური საავადმყოფოს კლინიკური დირექტორი, „თავისუფალი დემოკრატების“ წევრი დევი ტაბიძე, პარტიიდან რამდენიმე ლიდერის წასვლის მიზეზებზე განმარტებას აკეთებს. ტაბიძის განცხადებით, შალვა შავგულიძის მხრიდან წასვლის მიზეზად იმის დასახელება, რომ ის ექიმის სტატუსით „ქართული ოცნების“ მაჟორიტარობის კანდიდატების წარდგენას დაესწრო, უსუსური არგუმენტია. დევი ტაბიძის განმარტებით, აღნიშნულ ღონისძიებაზე მის გარდა კიდევ 11 ექიმი იყო მიწვეული, რომელიც კორონავირუსის წინააღმდეგ ბრძოლის წინა ხაზზეა. თავისუფალი დემოკრატებში ფიქრობენ, რომ შავგულიძისა და სხვა ლიდერების პარტიიდან წასვლის ერთ-ერთი მიზეზი, სავარაუდოდ, სიაზე შეუთანხმებლობაა. შეგახსენებთ, რომ რამდენიმე დღის წინ, შალვა შავგულიძემ, ნინო გოგუაძემ, სანდრო ბარამიძემ და გიორგი ქიტიაშვილმა „თავისუფალი დემოკრატები“ დატოვეს. ისინი „ევროპული საქართველოს“ საარჩევნო სიაში იქნებიან. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.