სალომე ასათიანის ინტერVIEW ირაკლი ალასანიასთან

2014 წლის ნოემბერში, როცა პარტია „თავისუფალი დემოკრატები“ მმართველ კოალიციას გამოეყო, ირაკლი ალასანია ხმამაღალი განცხადებებით გამოვიდა და თქვა, რომ ხელისუფლება შეტევას ახორციელებდა „საქართველოს ევროატლანტიკურ არჩევანზე“. როგორ აღიქმება ეს ბრალდება დღევანდელი პერსპექტივიდან, რას ფიქრობს სამთავრობო ცვლილებებზე და არის თუ არა „თავისუფალი დემოკრატების“ მთავარი პრობლემა გარკვეული ელიტიზმი თუ აკადემიურობა მოახლოებული არჩევნების ფონზე. ამ და სხვა საკითხებზე ვესაუბრებით ჩვენს სტუმარს, ირაკლი ალასანიას. ყოველკვირეული გადაცემა „ინტერview“ არის რადიო თავისუფლებისა და საზოგადოებრივი მაუწყებლის ერთობლივი პროექტი. მასში მონაწილეობისთვის ვიწვევთ ყველას, ვინც გავლენას ახდენს საქართველოს პოლიტიკურ პროცესებზე. „ინტერview“ არის პრაღა-თბილისის ტელეხიდი, რომელსაც სალომე ასათიანი უძღვება რადიო თავისუფლების პრაღის სტუდიიდან. გადაცემას შეგიძლიათ უყუროთ ყოველ ხუთშაბათს, 20:30-ზე, საზოგადოებრივი მაუწყებლის ეთერით. ასევე რადიო თავისუფლების ვებსაიტზე: www.radiotavisupleba.ge