სტრატეგიული თანამშრომლობა აშშ-სთან

უკრაინაში რუსეთის სამხედრო აგრესია და რეგიონში არსებული ვითარება განიხილეს საქართველოს საგარეო საქმეთა მინისტრმა და ამერიკის შეერთებული შტატების წარმომადგენელთა პალატის საგარეო ურთიერთობათა კომიტეტის თანათავმჯდომარემ კონგრესმენმა მაიკლ მაკკოლმა. სატელეფონო საუბრისას აღინიშნა საქართველოსა და ამერიკის შეერთებული შტატების მხარდაჭერა უკრაინის მიმართ. კონგრესმენმა დადებითად შეაფასა საქართველოს მხრიდან გადადგმული ნაბიჯები ამ მიმართულებით. მხარეებმა ხაზი გაუსვეს არსებულ ვითარებაში საერთაშორისო საზოგადოების ერთიანობისა და სიმტკიცის მნიშვნელობას. საუბარი შეეხო ასევე 2008 წელს რუსეთის მიერ საქართველოს რეგიონების ოკუპაციისა და ჰიბრიდული ტაქტიკის გამოყენების შედეგად ადგილზე შექმნილ მძიმე უსაფრთხოებისა და ჰუმანიტარულ ვითარებას. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.