საქართველო „დემოკრატიათა თანამეგობრობის“ მმართველ საბჭოში

03.11.2019 01:17

პირველი არხი Georgian Public Broadcaster

არხი

დემოკრატიათა თანამეგობრობის მმართველი საბჭოს წევრად საქართველოს არჩევას, საგარეო საქმეთა სამინისტრო ქვეყანაში განხორციელებულ რეფორმებს უკავშირებს. საქართველო ამ ორგანიზაციის მმართველი საბჭოს 30-ე წევრი ქვეყანა გახდა. ორგანიზაციის მიერ გავრცელებულ განცხადებაში აღნიშნულია, რომ მმართველ საბჭოში საქართველოს მიღება იმ ხელშესახები პროგრესის შედეგია, რასაც საქართველომ დემოკრატიული რეფორმების განხორციელების გზაზე მიაღწია. ეს ასახულია კონკრეტულ სარეიტინგო მაჩვენებლებში, მათ შორის ფუნდამენტური უფლებების, პოლიტიკური უფლებებისა და სამოქალაქო თავისუფლების საკითხში. „დემოკრატიათა თანამეგობრობის“ მმართველ საბჭოში, 2019 წლის 28 ოქტომბრიდან, 30 წევრი ქვეყანაა, მათ შორის - აშშ, დიდი ბრიტანეთი, იტალია, იაპონია, ფინეთი, შვედეთი, პოლონეთი, ლიეტუვა და საქართველო. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - / 1stchannel გამოიწერეთ ჩვენი არხი - / georgianpb ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.

გაზიარება: