ბათუმის ინციდენტზე საქმე აღიძრა

ბათუმის საქალაქო სასამართლოს განჩინების საფუძველზე, პოლიციამ გუშინ ბათუმში მომხდარი ინციდენტის მონაწილე ირაკლი ფანგანი დააკავა. პოლიციის ინფორმაციით, ის ევროპის მოედანზე ირაკლი ჩავლეიშვილთან მომხდარი ფაქტის გამო აიყვანეს. ირაკლი ფანგანი პოლიციამ „ალტერნატივას“ ოფისთან დააკავა. შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 156-ე და 239-ე მუხლებით მდინარეობს. აჭარის უმაღლესი საბჭოს დეპუტატის შეურაცხყოფის მიყენების ფაქტზე, ჩავლეიშვილი უკვე გამოიკითხა. შეგახსენებთ, რომ  „ნაციონალური მოძრაობის“ წარმომადგენლებმა გუშინ აქციის მიმდინარეობისას აჭარის უმაღლესი საბჭოს დეპუტატს, ირაკლი ჩავლეიშვილს ნაგვის ურნიდან ნარჩენები დააყარეს. ინციდენტი ევროპის მოედანზე მოხდა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.