ბათუმის საკრებულოში ვერ ჩამოყალიბდნენ, პოეტი იყო ტერენტი გრანელი, თუ პროზაიკოსი
04/12/2019
Maestro Television-ის
მიერ
გაზაფხულის საღამოა მშვიდი, ხიდან ხეზე გადაფრინდა ჩიტი. სული საზღვარს გადასცდება ფრენით, ახლაც მახსოვს მისამართი შენი. ცამდე წვდება ღამეების სიგრძე, რაღაც დიდი სიხარული ვიგრძენ, წინ მეშლება სხვა ოცნების არე. მიწის ცქერით დაიღალა მთვარე. გაზაფხულის საღამოა მშვიდი, ხიდან ხეზე გადაფრინდა ჩიტი-ეს არის პოეტ, ტერენტი გრანელის ლექსი. ბათუმის საკრებულოში კი ვერ ჩამოყალიბდნენ, პოეტი იყო გრანელი, თუ პროზაიკოსი. ოცნება ბიუსტის დადგმას აპირებს, ოღონდ პროზაიკოსი გრანელისთვის. რაზეც ნაციონალური მოძრაო წევრმა მმართველი ძალის წარმომადგენელს შენიშვნა მისცა და აუხსნა, რომ ტერეტი პოეტი იყო. შენიშვნას გაწევ-გამოწევა და ჩხუბი მოჰყვა. დეპუტატთა პოლიტიკური რომანტიზმს შინაგან საქმეთა სამინისტრო დაასრულებს. მომხდარზე გამოძიება დაიწყო. საქმე სისხლის სამართლის კოდექსის 126-ე მუხლით აღიძრა, რაც ძალადობას გულისხმობს. უწყების ცნობით, ინციდენტში მონაწილე ყველა პირი დაიკითხება. ბათუმის საკრებულოში სხდომა, რომელზეც დღეს „ქართული ოცნების“ და „ნაციონალური მოძრაობის“ წევრები ერთმანეთს ფიზიკურად ორჯერ დაუპირისპირდნენ. ნაცემი ოპოზიციონერი საავადმყოფოშია გადაყვანილი. დაპირისპირება აიპებში დასაქმებულ პირთა სიების გასაჯაროვების მოთხოვნით დაიწყო და ტერენტი გრანელით დასრულდა.
Facebook: https://bit.ly/2IqEzpx
Instagram: https://bre.is/px2j78UIi
Facebook: https://bit.ly/2IqEzpx
Instagram: https://bre.is/px2j78UIi
