შეწყალების საქმის გამოძიება

შეწყალების სკანდალური აქტის საქმეზე გამოკითხვები გრძელდება. პროკურატურაში დღეს გიორგი ოთხმეზური და თამაზ ქოიავა მივიდნენ, რომელთა შვილების მკვლელობებისთვის გასამართულებული პირები შეწყალებულთა სიაში აღმოჩნდნენ. ორივე მათგანი ჩადენილი დანაშაულებისთვის წლების განმავლობაში იძებნებოდა. ოთხმეზური და ქოიავა მთელ პასუხისმგებლობას პრეზიდენტს აკისრებენ. 28 აგვისტოს გაცემული შეწყალების აქტი პოლიტიკური დღის წესრიგის მთავარ თემადაც რჩება. ოპოზიციისგან გასხვავებით, სახელმწიფოს მეთაურის იმპიჩმენტზე საუბარს ნაადრევად მიიჩნევენ მმართველი გუნდის წევრები, თუმცა სალომე ზურაბიშვილის გადაწყვეტილების კრიტიკას თავადაც არ ერიდებიან. საგამოძიებო უწყებაში ჯერ არ დაუბარებიათ პრეზიდენტის საპარლამენტო მდივანი, რომლის გვარს საპარლამენტო უმცირესობა ყველაზე ხშირად ახსენებს.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.