„პრაიდის“ კვირეული დაიწყო

„თბილისი პრაიდის“ კვირეულის ხმაურიანი დასაწყისი. ვახუშტი ბაგრატიონის ხიდის მიმდებარე ტერიტორიაზე პოლიციის დამატებითი ჯგუფების მობილიზება გახდა საჭირო. დაძაბულობის ეპიცენტრად იქცა ადგილი, სადაც „პრაიდის“ ფარგლებში ფილმის ჩვენება მიმდინარეობს. პარალელურად ღონისძიების ჩაშლის მიზნით და კვირეულის გაუქმების მოთხოვნით ეწყობა კონტრაქცია. „პრაიდის“ მოწინააღმდეგეებსა და სამართალდამცავებს შორის რამდენიმე ფიზიკური დაპირისპირება მოხდა. პირველად მაშინ, როდესაც კონტრაქციის მონაწილეებმა ჩვენების ადგილამდე მისასვლელი გზის დაკავება და ბლოკირება სცადეს. ისროდნენ ქვებს და კვერცხებს. არიან დაკავებულები. კვირეულის მონაწილეებსა და მოწინააღმდეგეებს ერთმანეთისგან სამართალდამცავთა ცოცხალი ჯაჭვი ჰყოფს. პოლიცია კონტრაქციაზე მისულებს ჩვენებაზე მყოფ პირებთან მიახლოების საშუალებას არ აძლევს.  მარიამ ბერძენიშვილი ადევნებს თვალს ადგილზე მიმდინარე მოვლენებს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.