ზედა ეწერში მოცვის გადამამუშავებელი საწარმო მაისში გაიხსნება

25.04.2017 02:07

Radio Atinati

არხი

მოცვის გადამამუშავებელი ქარხანა „ჯეო ფრეში“ ზუგდიდის მუნიციპალიტეტის სოფელ ზედა ეწერში მაისის შუა რიცხვებში გაიხსნება. კომპანიის აღმასრულებელი დირექტორის ნირბა რეკეთის განცხადებით, დღეს მხოლოდ შესაფუთი საამქრო გაიხსნა, რომელშიც უახლოეს მომავალში, მოცვის შეფუთვა და პროდუქციის ექსპორტზე გატანა განხორციელდება. მისივე ინფორმაციით, აქ სხვადასხვა სახის ხილისა და ბოსტნეულისგან ჩირის დამზადება იგეგმება. კომპანიის წარმომადგენლის ბუხუტი თორიას განმარტებით, საამქროში სოფლის მეურნეობის პროდუქტებისგან ჩირი სუბლიმაციური შრობით მიიღება და მოსახლეობას აქ ხილ - ბოსტნეულის ჩაბარების საშუალება ექნება. მისი თქმით, საწარმოში ადგილობრივი მოსახლეობა დასაქმდება და მათ მაღალი ანაზღაურება ექნებათ. რადიო "ათინათი" Website: http://radioatinati.ge/ Facebook: / rado.atinati. . Google+: https://plus.google.com/u/0/116211701... Twitter: https://twitter.com/

გაზიარება: