სამოქალაქო განათლების სწავლების ხელშეწყობა

თბილისის #150 საჯარო სკოლაში პროგრამის „მომავლის თაობა“ ფარგლებში შექმნილი სამოქალაქო განათლების დამხმარე სახელმძღვანელოების გადაცემის ღონისძიება გაიმართა, რომელშიც მონაწილეობა საქართველოს განათლებისა და მეცნიერების მინისტრის მოადგილემ ლია გიგაურმა, ამერიკის საერთაშორისო განვითარების სააგენტოს დემოკრატიისა და მმართველობის ოფისის წარმომადგენელმა ნინო ბუაჩიძემ და პროგრამის „მომავლის თაობა“ დირექტორმა მარინა უშვერიძემ მიიღეს. შეხვედრის დროს წარმოდგენილი იქნა პროგრამის „მომავლის თაობა“ პრეზენტაცია, ხოლო პროგრამაში ჩართულმა მოსწავლეებმა სტუმრებს თავად გააცნეს საზოგადოების სასარგებლოდ მათ მიერ განხორციელებული პროექტები და ინიციატივები. შეხვედრას პროგრამის „მომავლის თაობა“ პარტნიორი სკოლების სამოქალაქო განათლების პედაგოგები, მოსწავლეები, პროექტის პარტნიორი ორგანიზაციის „ფონდი თბილისის მოზარდთა სახლის“ და სამოქალაქო განათლების პედაგოგთა ფორუმის წარმომადგენლები დაესწრნენ.