მიმდინარეობს ,,მიკოტახილის'' რეაბილიტაცია

2015/08/10 სენაკის მუნიციპალიტეტის გამგებელმა გოჩა დგებუაძემ, საკრებულოს ფრაქცია ,,ქართული ოცნება - დემოკრატიული საქართველოს’’ თავმჯდომარე ჯუმბერ ლაშქარავამ და გამგეობის შესაბამისი სამსახურების წარმომადგენლებმა ნოქალაქევი-ლეძაძამე-დიდიჭყონის კმ-1 კმ-7 გზის მიკოტახილის მონაკვეთის სარეაბილიტაციო სამუშაოები დაათვალიერეს, რომელიც აქტიურ ფაზაშია შესული. ამ მონაკვეთზე განხორციელდა გზის სავალი ნაწილის 4-დან 6 მეტრომდე გაფართოვების, მთის ქანების ჩამოჭრის, ხიდბოგირებისა და გაბიონების მოწყობის სამუშაოები. დაიგო ასფალტობეტონის საფარის მეორე ფენა. ამჟამად მიმდინარეობს ახალი ხიდის მოწყობის სამუშაოები, მონტაჟდება საგზაო ნიშნები. აღსანიშნავია, რომ გზის ამ მონაკვეთზე მსგავის მასშტაბის რეაბილიტაცია მანამდე არ განხორციელებულა. სამუშაოებზე, რომელიც მიმდინარე წლის ოქტომბერში დასრულდება, 4,2 მილიონი ლარი იხარჯება, დასაქმებულია 230 მოქალაქე, რომელთა 90% ადგილობრივია. სამუშაოებს ელექტრონულ ტენდერში გამარჯვებული სს ,,არქეოპოლისი’’ ახორციელებს.    / senakisgamgeoba   https://plus.google.com/u/0/110380087... https://www.facebook.com/senakis.gamg... http://www.senaki.ge/