შსს-ს კამპანიის ფარგლებში დუშეთის სკოლის მოსწავლეებთან საინფორმაციო შეხვედრა ჩატარდა

საპატრულო პოლიციის დეპარტამენტის მცხეთა-მთიანეთის მთავარი სამმართველოს პატრულ-ინსპექტორები, საგზაო-უსაფრთხოების კამპანიის ფარგლებში, დუშეთის N2 საჯარო სკოლას ესტუმრნენ. პატრულ-ინსპექტორებმა აღნიშნული სკოლის პირველკლასელებს საგზაო უსაფრთხოების თემაზე თეორიული და პრაქტიკული გაკვეთილები ჩაუტარეს, რომლებსაც 27 მოსწავლე დაესწრო. თეორიულ გაკვეთილზე სამართლდამცველებმა მოსწავლეებს ინფორმაცია მიაწოდეს ძირითადი საგზაო ნიშნებისა და საგზაო მოძრაობის მონაწილეთა შესახებ. ბავშვებმა, აგრეთვე, შეისწავლეს ავტოსატრანსპორტო საშუალებით მოზარდთა მგზავრობის წესები. პრაქტიკული გაკვეთილი მოსწავლეებს სკოლის ახლოს მდებარე "ზებრა"-გადასასვლელზე ჩაუტარდათ. პატრულ-ინსპექტორებმა თითოეულ ბავშვს აუხსნეს გადასასვლელზე უსაფრთხოდ გადაადგილების წესები. პროექტი შინაგან საქმეთა სამინისტროს საპატრულო პოლიციის დეპარტამენტისა და განათლების, მეცნიერების, კულტურისა და სპორტის სამინისტროს ერთობლივი თანამშრომლობით ხორციელდება. იგი საქართველოს ყველა რეგიონს მოიცავს. Facebook : https://www.facebook.com/MIAofGeorgia/ Twitter : https://twitter.com/MIAofGeorgia Myvideo : http://www.myvideo.ge/?user_id=1560804