უშიშროების საბჭოს სხდომა გაერო-ში

რუსეთმა უშიშროების საბჭოს სხდომის მოწვევა სიცრუისა და დეზინფორმაციის გავრცელების მიზნით მოითხოვა, - ამის შესახებ განცხადება გაერო-ში აშშ-ის ელჩმა, ლინდა ტომას-გრიფილდმა უშიშროების საბჭოს სხდომაზე სიტყვით გამოსვლისას გააკეთა. სხდომა რუსეთის ფედერაციის მოთხოვნით გაიმართა. მოსკოვი ამტკიცებს, რომ უკრაინის ტერიტორიაზე მდებარეობდა ბიოლაბორატორიების ქსელი, სადაც ხდებოდა საშიში დაავადებების პათოგენების გაძლიერება. კიევსა და აშშ-ში ამ ბრალდებას კატეგორიულად უარყოფენ და აცხადებენ, რომ ამ გამოგონილ საბაბს რუსეთი სავარაუდოდ მომავალში დაგეგმილი ქმედებების გასამართლებლად გამოიყენებს. პენტაგონში არ გამორიცხავენ, რომ რუსეთი უკრაინაში ქიმიური იარაღის გამოყენებისთვის ემზადება. გაერო-ში აშშ-ის ელჩის განცხადებით, უკრაინას არ აქვს ბიოლოგიური იარაღის პროგრამა და ბიოლოგიური ლაბორატორიები, რომელსაც აშშ მხარს უჭერს, მისივე თქმით, რუსეთია ის ქვეყანა, რომელიც აგრძელებს ბიოლოგიური იარაღის პროგრამას საერთაშორისო კანონის დარღვევით. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.