ანა წითლიძის მიმართვა

„ერთიანობა - ნაციონალური მოძრაობის“ ერთ-ერთი ლიდერი ანა წითლიძე სამეგრელო-ზემო სვანეთის საოლქო პროკურატურას მიმართავს. წითლიძემ 19 სექტემბერს ზუგდიდში, ბარამიას ქუჩაზე მომხდარ ფიზიკურ დაპირისპირებასთან დაკავშირებით მიმდინარე გამოძიებაზე ისაუბრა და საქმის გადაკვალიფიცირება მოითხოვა. მისი განმარტებით, გამოძიება უნდა წარიმართოს სამი მიმართულებით, ორგანიზებული დანაშაული, რომელიც ფიზიკურ დაპირისპირებაში გადაიზარდა, პოლიტიკურ პირზე თავდასხმა და შეკრებებისა და მანიფესტაციების უფლების ხელყოფა. მისი თქმით, მან უკვე მიმართა გენერალურ პროკურატურას იგივე მოთხოვნით. ანა წითლიძე აცხადებს, რომ ინციდენტში მონაწილე ყველა პირი იდენტიფიცირებულია და მომხდარის შესახებ ინფორმირებული არიან საერთაშორისო სადამკვირვებლო მისიის წარმომადგენლები. შეგახსენებთ, რომ ზუგდიდში, ბარამიას ქუჩაზე, 19 სექტემბერს მომხდართან დაკავშირებით, შსს ზუგდიდის პოლიციის სამმართველოში გამოძიება 126-ე მუხლით მიმდინარეობს, რაც ძალადობას გულისხმობს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.