ზუგდიდში სამეცნიერო-თეორიული კონფერენცია მიმდინარეობს

ზუგდიდში, მოსწავლე-ახალგაზრდობის სასახლეში "ვლაქერნობის" დღესასწაულისადმი მიძღვნილი სამეცნიერი კონფერენცია მიმდინარეობს. შეხვედრა ზუგდიდისა და ცაიშის ეპარქიის სულიერებისა და კულტურის ცენტრის ეგიდით ტარდება. აღნიშნულ ეპარქიასთან ერთად, ღონისძიების ორგანიზატორები არიან: დადიანების სასახლეთა ისტორიულ-არქიტექტურული მუზეუმი, შ. მესხიას სახელობის სასწავლო უნივერსიტეტი და საზოგადოება "ზუგდიდელი". მოხსენების მთავარი თემატიკა ყოვლადწმინდა ღვთისმშობელი და მისი სამოსელი, სხვადასხვა ისტორიული და საეკლესიო საკითხებია. კონფერენციაზე მოხსენებით ადგილობრივი და თბილისიდან მოწვეული პროფესორები გამოვლენ. მათ შორის,დადიანების სასახლეთა ისტორიულ-არქიტექტურული მუზეუმის თანამშრომელი სვეტა მიქავა, თემით - " ყოვლადწმინდა ღვთისმშობელი და მისი სამოსელის დაფარული ისტორია", შ. მესხიას სახელობის სასწავლო უნივერსიტეტის პროფესორი ხათუნა გოგია - "ღვთისმშობლის სიმბოლოები სამეგრელოში", ისტორიის დოქტორი მედეა ბენდელიანი - "ჭყონდიდის ეპარქია აფხაზეთის საეკლესიო მოდერნიზაციის წინააღმდეგ", ფილოლოგიის მეცნიერებათა დოქტორი მარინე ცინცაბაძე - "ქეთევან დედოფალი ევროპულ დიპლომატიასა და კულტურაში", ისტორიის მეცნიერებათა დოქტორი დავით მერკვილაძე - არქანჯელო ლამბერტის თხზულება "წმინდა კოლხეთი", ისტორიის დოქტორი გიორგი კალანდია - "ვლაქერნის ღვთისმშობლის ხატის საიდუმლო", ისტორიის დოქტორი დავით ჭითანავა - "ზუგდიდის სამღვდელოების ისტორიიდან" და ა.შ. ზუგდიდში, ვლაქერნობის დღესასწაულთან დაკავშირებით, სხავადასხვა ღონისძიებები სამი დღის განმავლობაში გაიმართება. რადიო "ათინათი" Website: http://radioatinati.ge/ Facebook: https://www.facebook.com/Rado.ATINATI... Google+: https://plus.google.com/u/0/116211701... Twitter: https://twitter.com/