შეხვედრა საგარეო უწყებაში

საქართველოში აშშ-ის ელჩის მოვალეობის შესრულებას როსს უილსონი იწყებს. პირველი გაცნობითი შეხვედრა უკვე შედგა საგარეო უწყებაში, სადაც დავით ზალკალიანმა და ელჩმა აშშ-სა და საქართველოს შორის არსებული ორმხრივი ურთიერთობების დინამიკა, საერთო ინტერესები და ის გამოწვევები განიხილეს, რომლებსაც ქვეყანა ოკუპაციის სახით აწყდება. საქართველოს სტრატეგიული პარტნიორი ქვეყნის ახალი წარმომადგენელი აღნიშნავს, რომ მისთვის დიდი პატივია აშშ-ს სახელმწიფო მდივნის, მაიკ პომპეოს გადაწყვეტილება, რომლითაც ოფიციალურ ვაშინგტონს თბილისში სწორედ ის წარმოადგენს. საგარეო უწყებაში მიიჩნევენ, რომ როსს უილსონის კვალიფიკაციისა და რეპუტაციის მქონე ელჩის გამოგზავნა საქართველოში უკვე არის მნიშვნელოვანი გზავნილი შტატებიდან. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.