რუხის რესპუბლიკურ საავადმყოფოს რენტგენის ციფრული პორტატული აპარატი გადაეცა

11.04.2021 01:32

Radio Atinati

არხი

რუხის რესპუბლიკურ საავადმყოფოს, გლობალური გრანტის ფარგლებში "როტარი კლუბი თბილისი ამბასადორმა" რენტგენის ციფრული პორტატული აპარატი უსასყიდლოდ გადასცა. გადაცემის ცერემონიალს სამეგრელო-ზემო სვანეთის სახელმწიფო რწმუნებული, ზუგდიდის მერი გიორგი შენგელია, "საქართველოს სამედიცინო ჰოლდინგის" და "როტარი" კლუბი თბილისის ხელმძღვანელები დაესწრო. მალხაზ თორიამ "როტარი" კლუბის მიერ გაწეული დახმარების მნიშვნელობაზე ისაუბრა და სამედიცინო პერსონალს პანდემიის პერიოდში გაწეული მუშაობისთვის მადლობა გადაუხადა. "მადლობა "როტარი კლუბი თბილისი ამბასადორს", რომელმაც რუხს დღეს გადასცა თანამედროვე რენტგენის პორტატული აპარატი და მოუგვარა კლინიკას ეს საჭიროება. რუხი დღეს ემსახურება არამარტო სამეგრელო-ზემო სვანეთის რეგიონს, არამედ ჩვენს ოკუპირებულ ტერიტორიაზე მცხოვრებ მოქალაქეებს და ამ კლინიკას მხოლოდ სამედიცინო დატვირთვა არ აქვს", - აღნიშნა გუბერნატორმა. რადიო "ათინათი" Website: http://radioatinati.ge/ Facebook: / rado.atinati Twitter: / atinati1059 Instagram: / radioatinati1059fm

გაზიარება: