რუსეთის საომარი მოქმედებები უკრაინაში

უკრაინის სამხრეთ ფრონტზე, ხერსონისა და ნიკოლაევის ოლქებში ორმხრივი სროლები გრძელდება - გენშტაბის ინფორმაციით, სიტუაცია რთული, მაგრამ კონტროლირებადია. სამხედროებმა შეძლეს მტრის 18 თავდასხმის მოგერიება. განადგურებულია 13 ტანკი, 27 ჯავშანმანქანა, რვა საარტილერიო დანადგარი, ასევე საბრძოლო ვერტმფრენი და უპილოტო საფრენი აპარატები. დონეცკის ადმინისტრაციაში განაცხადეს, რომ ომის დაწყებიდან დღემდე ოლქში დაღუპულია 356 მშვიდობიანი მოქალაქე. ეს მონაცემები არ მოიცავს ქალაქ მარიუპოლს. ამასთან ერთად, უკრაინული მედიის ცნობით, ცეცხლი გაუჩნდა კიდევ ერთ რუსულ ხომალდს, რომელსაც თავს კუნძულ ზმეინისთან დაესხნენ და ახლა ის სევასტოპოლისკენ მიცურავს. უკრაინის სამხედრო ხელმძღვანელობის ცნობით, შავ ზღვაში იმყოფება ოთხი რუსული ხომალდი და ორი წყალქვეშა ნავი, რომელთაც საერთო ჯამში 30 ფრთოსანი რაკეტის გაშვება შეუძლია. უკრაინის პრეზიდენტმა ომის 78-ე დღის ბოლოს გავრცელებულ ვიდეოში განაცხადა, რომ რუსეთის სამხედროებმა 500-ზე მეტი საავადმყოფო გაანადგურეს. ისინი ბომბავენ სამოქალაქო ობიექტებს, მათ შორის სკოლებს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.