რუსეთის საომარი მოქმედებები უკრაინაში

ომი უკრაინაში გრძელდება - რუსეთმა ოდესის ოლქზე მორიგი მასშტაბური თავდასხმა განახორციელა. ოკუპანტებმა 19 უპილოტო საფრენი აპარატი და ორი ზებგერითი რაკეტა „ონიქსი“ ისროლეს. სამიზნე გახდა პორტების ინფრასტრუქტურა. რაკეტების ჩამოვარდნის შედეგად დანგრეულია მარცვლეულის საცავები. გავრცელებული ინფორმაციით, ოდესაში მნიშვნელოვანად დაზიანდა საზღვაო სადგური, ახლო მდებარე სასტუმროში კი ხანძარი გაჩნდა. კრემენჩუკზე მომხდარი სარაკეტო თავდასხმისას კი დაზარალებულთა რიცხვი 55-მდე გაიზარდა, დაიღუპა ერთი ადამიანი. სტაციონარში მკურნალობას განაგრძობს 19 მოქალაქე, მათ შორის ერთი ბავშვი. პარალელურად, რუსული მხარე ავრცელებს ინფორმაციას, რომ რუსეთის ქალაქ ტულას რეგიონზე თვითმფრინავებით თავდასხმა მოიგერიეს. წინასწარი მონაცემებით, შემთხვევას მსხვერპლი არ მოჰყოლია. უკრაინის პრეზიდენტმა კი ყოველდღიურ მიმართვაში ამერიკაში ვიზიტისას მიღწეულ შეთანხმებებზე ისაუბრა და აღნიშნა, რომ უკრაინის თავდაცვის სისტემა კიდევ უფრო გაძლიერდა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/1stchannel.1... გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.