4 წუთი დიდი თემურ წიკლაურის კაი-კაცობის ცხოვრებიდან

2015 წლის 21 მაისს, მაშინ 23 წლის ზუგდიდელ ნინო წურწუმიას სახლში მივაკითხეთ და უბრალოდ ოცნება ავუსრულეთ - მას უნდოდა ახლოს გაეცნო ადამიანი, რომელზეც ბავშვობიდან იყო შეყვარებული, უსმენდა მის სიმღერებს, ყოველთვის უყურებდა მის გადაცემებს და ამით ხარობდა... - მე და თემოს მწირი ინფორმაცია გვქონდა ნინოზე, ზუგდიდში მიმავლებმა, გზად მანქანით ქუთაისში სუნამოების მაღაზიაში გავიარეთ (ვისადილეთ), ნინოს საჩუქარი ვუყიდეთ ვიცოდით, რომ ნინოს დახმარება სჭირდებოდა ფიზიკური პრობლემის გამო, მორიგი საქველმოქმედო კონცერტის ჩასატარებლადაც მოვემზადეთ ... მხოლოდ ისე, რომ ნინო არ გვყავდა ნანახი, ამიტომ კონცერტამდე სახლში მივადექით ბავშვს.... და მოულოდნელი შოკით დაზაფრულები, განადგურებულები და გულდათუთქულები დავრჩით... თემომ შეძლო, თავი ხელში აიყვანა და ბოლომდე, ვაჟკაცურად, მთელი გულით ის აჩუქა ამ ქალბატონს რაც ყველაზე მეტად გაეხარდებოდა გოგონას - გულწრფელი ჩახუტება, სითბო და სიყვარული... სახლში სტუმრობის შემდგომ, ზუგდიდის კომბინატის კულტსახლში მისთვის დასახმარებლად კონცერტიც ჩავატარეთ და ეს იყო, ერთი რიგითი მადლიერების დღე დიდი ადამიანისგან საჩუქრად - სახელად თემურ წიკლაური... * ტელეკომპანია „ვარსკვლავები“ * ოპერატიულობა * ხარისხი * მიზნობრივი აუდიტორია * ექსკლუზივები * დაგვიკავშირდით 5-99-57-66-22 * https://www.facebook.com/stars.ge