რუხში დევნილის საცხოვრებელი ფართის ნაწილი ხანძარმა დააზიანა

15.02.2017 02:06

Radio Atinati

არხი

ზუგდიდის სოფელ რუხში, ბაღის ყოფილ შენობაში მცხოვრები ერთ-ერთი დევნილის საცხოვრებელ ოთხს ცეცხლი გაუჩნდა. ხანძარი სავარაუდოდ შეშის ღუმელიდან გავრცელდა, რის შედეგადაც სახურავის ნაწილი და კედელი დაიწვა. დაზარალებულ ოჯახს აფხაზეთის ლეგიტიმური მთავრობის წარმომადგენლობის ხელმძღვანელი სამეგრელოში ალექსანდრე ჩიკვაიძე შეხვდა. ჩიკვაიძემ კორსანტიებს დროებით საცხოვრებელი ფართი შესთავაზა, რაზეც დაზარალებულმა უარი განაცხადა. "დაქირავებულში შემიყვანენ და ათი წელი კიდევ იქ ვიცხოვრო.ნაქირავებში, რომ შევიდე ბინას არავინ არ მომცემს. არ მყავს ქმარი ვზრდი ობოლ შვილებს, როგორ ვიცხოვრო მითხარით, არის აქ ამის შესაძლებლობა?",- თქვა ხათუნა კორსანტიამ. ალექსანდრე ჩიკვაიძემ განმარტებით, ის საკუთარი ხარჯებით შეაკეთებს დაზიანებულ ოთახის. მისივე ინფორმაციით, სარემონტო სამუშაოები დღესვე დაიწყება. რადიო "ათინათი" Website: http://radioatinati.ge/ Facebook: https://www.facebook.com/Rado.ATINATI... Google+: https://plus.google.com/u/0/116211701... Twitter: https://twitter.com/

გაზიარება: