გვარამიას ახალი ბრალი წაუყენეს

ნიკა გვარამიამ გენერალური პროკურატურა უკვე დატოვა. „რუსთავი 2“-ის ყოფილ გენერალურ დირექტორს დღეს ახალი ბრალდება წაუყენეს. სამსახურებრივი უფლებამოსილების ბოროტად გამოყენების შემდეგ მას ამჯერად ტელევიზიის კუთვნილი თანხების გაფლანგვაში, ყალბი დოკუმენტების დამზადება-გამოყენებასა და კომერციულ მოსყიდვაში  ადანაშაულებენ. საქმეში ისევ „რუსთავი 2“-ის კონტრაქტორი სარეკლამო კომპანია „ინტერმედია პლიუსი“ ფიგურირებს. გამოძიების ვერსიით,  „ინტერმედიის“ ფინანსების გასაკონტროლებლად გვარამიამ კომპანიას 30%-იანი წილი მის მეგობარზე, კახა ანჯაფარიძეზე გადააფორმებინა, 2015 წლიდან კი კომპანიისგან მხოლოდ „რუსთავი 2“-ის არსებობისთვის საჭირო თანხების მოთხოვნა დაიწყო, რითაც პროკურატურის ვარაუდით, ტელევიზიის ქონება ანჯაფარიძის წილობრივი მონაწილეობით არსებული საწარმოს სასარგებლოდ გაიფლანგა. საუბარია 7 მილიონამდე ლარზე. როგორც პროკურატურაში განმარტავენ, სქემაში მონაწილებდნენ „ინტერმედია პლიუსის“ დირექტორი, ასევე „რუსთავი 2“-ის ფინანსური დირექტორი, რომლებსაც დღეიდან ასევე ბრალდებულების სტატუსი აქვთ.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.