ჯო ბაიდენს აშშ-ის საპრეზიდენტო არჩევნებში გამარჯვებას ულოცავენ

საქართველოს პრეზიდენტი ჯო ბაიდენსა და კამალა ჰარისს არჩევნებში გამარჯვებას ულოცავს. „საქართველოს, კავკასიის რეგიონსა და მსოფლიოს სჭირდება თავისუფალი, ძლიერი და დემოკრატიული ამერიკა“,  – წერს სალომე ზურაბიშვილი. ამასთან, ის პერსონალურად ულოცავს კამალა ჰარისს, როგორც შეერთებული შტატების ისტორიაში, პირველ ვიცე-პრეზიდენტ ქალს და წარმატებებს უსურვებს. მილოცვის წერილს აქვეყნებს პრემიერ-მინისტრიც - „მოუთმენლად ველით ამერიკა-საქართველოს სტრატეგიული პარტნიორობის შემდგომ გაძლიერებას“, – წერს გიორგი გახარია ტვიტერის ოფიციალურ გვერდზე. განცხადებას ავრცელებს პარლამენტის თავმჯდომარეც - „მზად ვართ მომავალი თანამშრომლობისთვის დემოკრატიის და პროგრესის უზრუნველსაყოფად“, – აცხადებს არჩილ თალაკვაძე. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.